مطبخ مرموره

مطبخ مرموره

                                                   فطاير السبانخ

هنكلم انهردة عن فطاير السبانخ بصراحة انا بحبهاا اووى وكنت على طول بعملها لابنى واخويا لانهم مش بيحبو الاكل اووى غير انها بتريح الواحد فى عدم التفكير فى سندوتش اية انهردة فاهميين

والعجينة تنفع لاى فطاير او بيتزا

نبدا بالرحمن ونقول

مقادير العجينة ( ممكن عجينة الفينو من الفرن الى مش عاوز يتعب )

المقادير العجينة

كيلو دقيق منخول

4 اكواب زبادى

6 معالق حليب بودرة

4 معالق سكر

نص معلقه ملح

بيضتين

¾ كوب زيت (ذرة ,زيتون)

المية او لبن حسب العجن والعجينة بتبقى طريه شويه( انا بعجن بالبن)

معلقة ونص خميرة فوريه

لنجاح العجينة المقدير الجافه تتقلب مع بعض والمقادير السائله مع بعض وتفضلى تعجنى بقى المهم تسيبها فى مكان دافى لغاية تخمر و نعمل

حشوة السبانخ

بصل مقطع شرايح رفيعه جدااااا

زيت زيتون

سماق

سبانخ

½ كوب عصير ليمون

الطريقه نحط الزيت الزيتنون فى الحلة وقبل ما يسخن نحط البصل لغاية ما يدبل شوية نقوم حطين السماق وطبعا نكون غسلين السبانخ ومقطعنها واحنا بنصفيها نرش عليها شويه ملح وبعد نص ساعه هنلاقيها دبلة نعصرها من المية الى نزلت منها ونقلبها على البصل وفى الاخر نحط الليمون ونطفى عليها ونبدا بقى فى الحشو الفطاير ونعملها زى طريقة الجواب او القطايف ونكون دهنين الصنية الخبز بالزيت ومتنسيش انتى حطة على السبانخ ملح فمشمحتاجة تحطى

ممكن نعمل كمية كبييرة وممكن نشيل بقيت العجينة فى الفريز هى والحشو

ونخبز الفطاير على درجو حرارة الفرن 180

وطبعا ممكن نشيل الفطاير فى الفريز ونطلها بليل علشان الولاد يخدها معاهم المدرسه او قبل الاكل نص ساعه كانك عملها دلوقتىى



 وبالف هنا وشفا                                                                     مرمورة

الخبيزه

                                        

          الــخبيـــزة

          ـــــــــــــــــــــــــــ

هنعمل بقى خضار انهردة انا فى العادى اكلنا كلو خضار بجد لان جوزى تقليدى مش بيحب التنوع غير مرة يعنى بس اساسى الخضار عندنا فطبعا انا اقولكم على شويه خضار انا اتعلمتها لما اتجوزت لانو بيحبها
 نبدا بالرحمن

بصو يا بنات الخبيزة دة بجد افيد من السبانخ والله هى بجد جميلة انا مكنتش بحبها بس بجد بدات اكلها وانامش بعملها غير مرة واحدة للاسف فى موسمها الشتوى ولأن العلم الحديث اكتشف انها لها فوائد عديدة في حماية القلب والشرايين ووقايتهما من الأمراض القلب وبعدين مش هقول تانى التكنيك ونفس الحلو فى طبخها

المقادير

شوربة لحمة ضانى او بط ( شوربه دسمه المهم )

نصف كيلو خبيزة هم حزمتين

حزمة كزبرة خضرا+حزمة سلق +ربع حزمة شبت + فصين توم + بصلة

نجيب ورق الخبيزة نقطفو زى بظبط الملوخية وبعدين نغسلها كويس جداااااااا وشوية ونشفها ونكون طبعا غسلنا بقيت الخضرة نحط جميع المقادير السابقه فى حلة وبعدين نقلبها على النار هنلاقى مية نزلت منها نرمة المية دة ونضيف معلقة سمنه ونقلب حلو( الى بيتعب من الحديد الكتير فى الاكل يخدها غلوةعلى النار ) تضرب في الخلاط مع الشوربة الباردة نص ضربة لحسن تبقى عصير خبيزة او نستعمل المفراك الى هى مصفة الطماطم بتاعت زمان بس العلم تتطور يا عبلة

وبعدين نحطها على النا ر وأثناء الغليان يضاف كمية الارز المسلوقً ثم نتركها لتغليهى غلوتين ونطفى اذا مش عوزة تحطى رز فيها ممكن تعملى رز ابيض عادى جنبها انا بعمل كدة وكدة .ونستعد لعمل التقلية توم مدقوق كزبرة ناشفه وسمنه نضيف التقلية أثناء الغليان على الخبيزة ونتركها بعد ذلك تغلى حتى يتم النضج ويصبح سمكها معقول. (انا بحس انها عملة زى الملوخية التقيلة بجد) بس بجد بتبقى واو وطعمها تحفه

و تحمرى الفراخ او البط او اللحمة جنبهم بس بجد بتبقى رهيبه والله وحلوه

بالهنا والشفا

نصائح حلوة حبيبت اعرفكم عليه

نصايح جميلة لكل بنوته امورة يارب تعجبكم

اضيفي ملعقه من الخل لزيت القلي
فالخل يقلل من امتصاص الاكل للزيت


*&2&*
إذا زاد الملح في الطعام أضيفي قطعة من البطاطس او البصل
فهما يساعدنا على تخفيف الملح
لانهما يقوما بامتصاص الملح


*&3&*
الجبن الزائد ممكن بشره ووضعه في الفريزر
ويستفاد منه لعمل حشوات للمعجنات


*&4&*
إذا التصق الكيك بالقالب أو الصينيه
توضع الصينية على منشفة مبللة بالماء الساخن
وتترك لمدة عشر دقائق فيتكيف البخار في القاع
ويؤدي إلى سقوط الكيك بسهولة
وكذلك الحال بالنسبة للبسكوت والعجة
*&5&*
إذا تكسر عليك الكيك أثناء قلبه فلا تيأسي
فمن الممكن الاستفاده منها بتفتيتها لصنع الحلويات
*&6&*
حتى لاتذبل السلطة لاتضيفي إليها الملح إلا عند التقديم
*&7&*
‏ الدقيق من اكثر الأنواع التي تتعرض للتسوس
لابد من نخله فورا عند شرائه قبل ان تتكاثر اليرقات‏
واحتفظي به في كيس مغلق داخل درج الثلاجة‏
*&8&*
لابد من فصل الحبة المصابة بمجرد الشراء
قبل التخزين للحد من تكاثر الحشرة‏
واحتفظي بالحبوب والبقول داخل كيس من الورق
يسمح بامتصاص الرطوبة‏حتي لاتفسد‏
و الأوعية الزجاجية أو المعدنية أفضل للتخزين من الأوعية البلاستيكية
مع مراعاة فرد قطعة من الورق بداخلها‏
‏ و احتظفي بالحبوب والبقول بعيدا عن مكان تصاعد الأبخرة في المطبخ‏
فلا تضعيها في أماكن قريبة من البوتاجاز‏


*&9&*
‏ عند سلق الجزر الأصفر لعمل السوتيه مثلا‏‏
أحرصي علي إضافة قليل من السكر
فهو يساهم في الحفاظ علي لون الجزر
ويكسبه الصلابة المطلوبة مع عدم وضع الملح‏
*&10&*
لاتتركي برطمان المايونيز خارج الثلاجة لفترة طويلة
حتي لا يتعرض للفساد‏
*&11&*
‏ اللحوم المتبلة المعدة للطهي أو الشي
لاتحتفظي بها داخل رف الثلاجة لأكثر من‏48‏ ساعة
*&12&*
‏ علبة اللبن المفتوحة لايجب أن تترك خارج الثلاجة
فهي تعامل كاللبن المغلي
فيجب الاحتفاظ بها في رف الثلاجة ولمدة لاتزيد علي ثلاثة أيام

الديك الرومــــــى

ــــــــــــــــــــــــــــــــــــــــــــــــــ

بصو بقى هنتكلم انهردة على الديك الرومى المحترم الى بيتعمل فى العزومات ويشرفك قدام الناس

المهم انا عوزة اطلب منكم طلب بجد احترمو التكنينك بجد فى ساعات حاجات بتخنق انا معاكم فى ساعات حاجات بتفيد علشان الاكل ميطلعش وحش وبجد تدعو على الى خلاكم تقرو الوصفة فهمتو يا كتاكيت

نبدا بالرحمن ونقول
نجيب الديك الرومى بصى هو ووزنى الحلو من 12-15 كيلو وانت اخرو دة بيبقى فى لحم ومحترم جدااا
نجيبو بقى متلج نسيتنى لما يفك تلجو على مهلو اذا طازجة ذو الريش الابيض انا بنصح بية لان ابو ريش اسود مش بيبقى فى لحم كتيير وبجد بيخد سوى كتيير فى الفرن زى البطه العجوز بظبط نبدا فى معركة غسيلو دة
المرحلة الاولى
بجد هى معركة اولا نجيب طبق بلاستك كبيرر * بتاع الغسيل الهدوم* المهم نحط علية كمية ملح من جوه ومن بره بجد كمية محترمة اد كسين ملح كبار ملح الخشن دة وعليهم برضو دقيق ومن جوة ومن بره كانك بتغيسلى فراخ بس بضمير حبتيين لانو بجد اذا متغسلش كويس هيبقى زفر المهم نحط الكلام دة بتاع ساعه محدش يزهق اصل كدا كدا مش يتاكل دلوقتىى ونغسلو وبعدين نضرب نص كيلو ليمون بالقشر وعدد 3 برتقال بالقشر ونص كوب خل فى الخلا ط ونعيد غسل الديك الرومى باليمون والبرتقان والخل تانى ونسيبو برضو شويه اد ساعه كمان وبعدين نغسل الديك الرومى ونسيبو يتصفى حلو من المية ويرتاح هو شويه تعب من الحموم
المرحلة التانية
التتبيلة ركزو و عوزة بقى المووضع يبقى بالعقل لان انا خايبه شوية فىالمقادير المهم نجيب
الفوت بروسوسر ونحط
8 بصلات كبار
4 طماطم
3 فلفل رومى
3 فص توم
البهارات بقى المستخدمة جنزبيل طازجة نص واحدة كبيرة +فلفل اسود +كارى +ورق لورا +حبهان +بهارات حلو*كبيبه صينى+ قرفه + قرنفل+ روزمارى .... علبة عصير شعير+ كوب عصير برتقان (بشر برتقان كمان ) + ومعلقتين مسطره +معلقتين عسل ابيض+4ماجى+ ربع كوب زيت زيتون (بصراحة البهارات دة بالعقل حسب كل واحدة وبتحب وبعدين الديك الرومى كبيير بالعقل بقى وتركزو يعنى سنس وكل واحدة وسنسها)
اقلهم على حاجة الديك الرومى اصلاا بطبعتو لحمو دلع فاهميين بس الملح والماجى بالعقل

كل دة فى الفوت بروسسر المهم نجيب الديك الرومى والتتبيلة نمسك السكينه ونخرمو من عندالصدر وبعدين من عند الوراك بس براحة المهم ونحط التتبيلة من جو ومن بره وبين الجلد يتتبل حلوالمهم نغرقوا فى التتبيله ونحضو بره التلاجة ساعه اذا كان الجو شتا ممكن نسيبو بره اذا صيف وجهنم يبقى ساعه ونحطو فى التلاجة من تحت ونستنى علية يومين المهم ندور بقى على حلة كبيير او صنية كيك تخد الديك تكفى والى عندها حلتو تبقى كويس جداااا انا شخصيا بخدها من حماتى

نحمر الديك على الجنبين بفصسن مستكه وحبهان يخد لون واى حاجة نزلت منو وتحرقة نشيل الديك الرومى ونغسل الحلة بلاش كسل لان الشوربه الى هتخرج من الديك عوزنها نعمل بيها الرز بالخلطه بتاعتووووو فاهمين ...حمرنا الديك نغطية بقى بالفويل ونحطو بتاع ساعة ونص اذا متبل حلو وبضمير هيستوى على طول المهم هم 3الساعات على درجة الفرن 200 اذا بلدى يعنى الريش بتاعو كان اسود هيعقد اكتر من كدة

وبعدين هنكشف علية الساعه الاولى لان فى ماية هتنزل منو نخدها فى حلة على جنب علشان الارز بالخلطه المهم ونخلى بالنا بقى منو ولما نحس انو استوى زى ما بتكشفى على الكيكه من عند الصدر والوراك نكشف عنو الفويل علشان يتحمر حلو بقى وممكن نولع الشوايه ونسيبو بقى لغاية ما يتحمر , ولما يبرد هو عامتا الديك الرومى بيتاكل بارد علشان تعرف نقطعوو يعنى ممكن قدام التكييف يبرد او بره اذا الجو مش حرر براحتوو والبلهنا والشفا

انا بعملو بجد على طول بيطلع روعه فى العزومات فى رمضان والاعياد الميلا د بيبقى يجنن بس هو عاوز غلبة شوية بس بجد يستاهل والناس تبقى اعقدة ومستمتعه ومش مصدقه انك عملاه وطبعا جوزك يتفشخر بيكى

ودة بيبقى شكلووووو فى الاخر انا ببحبش اقطعو احب اقطع قدام الناس بصراحة علشان مققلش من قيمة الديك التقطيع الى مش بيعرف بقى الوراك بتتقطع نصين والصدر بيتقطع بالطول كانك بتقطعى اللحمة الباردة بس كل دة بعد ما بيرد فاهمين اى اساله بس بجد التتبيلة عليها عامل فى طعموو

اول الكــــــــــلام

اول الكلام

مش عوزة حد يقول معرفش ومينفعش وغالى والكلام الى بيوقف المراكب الى ماشية دة الكل موجود وكل حاجة موجودة عندنا نبدا بقى فى الحاجة الى بتعجز ساعات ومش بنبقى نلاقيها وبنسمعها وبنتفرس لانها غالية انا بجد عوزاكم تبقى قمميرر المهم نبدا باسم الله نتوكل على الله ببدائل الاطعمه الرخمة الى مش موجودة عندنا

خل بلسميك= خل التفاح

1 م ص خردل بودرة = 1 م ك معجون مستردة

1 كوب حليب حامض /خاثر = 1 كوب حليب + 1 م ك خل او عصير ليمون

1 كوب حليب محلى = 1/2 كوب حليب مكثف + 1/2 كوب ماء + 2 م ك سكر

1 كوب حليب مركز محلى = ( 1 كوب حليب + 1/2 كوب ماء مغلي + 2/3 كوب سكر + 3 م ك زبد )اخلطيهم في الخلاط حتى يتجانسووو

كوب كريمة خفق = 2/3 كوب حليب مكثف + 4 م ص عصير ليمون او خل१

كوب كريمة حامضة = كوب لبن زبادي + 2 م ك زبدة

اهداء

الـى زوجـى الغالى وابنائى زهرة حياتى

الى امى وابـى وجـدتى رحمة الله عليهم

الى افراد اسرتى

الى اصداقى المخلصين الاتى ارشدونى الى طريق الخير

الى كل من احب الطهى واحبه

تحية من الاعماق .........

المقدمة

الحمد لله تعالى والصلاة والسلام على الحبيب المصطفى هذة الكلمات المباركة ابتدء بها المقدمة هذة المدونه واتمنى من الله عزوجل ان انجح فى تقديمها وتوسيعها وان اضع كل مجهوداتىى واتعهد عدم بخلى باى فكرة ويكون مرجع سهل ومبسط لكم

مرمورة